“စစ်မြေပြင်သုံး ရိုဘော့များကို တီထွင်ခြင်း” ရိုဘော့အင်ဂျင်နီယာ ရော်နယ်လ်အာကင်နှင့်တွေ့ဆုံခြင်း

Friday, 07 August 2009

ရိုဘော့စက်ရုပ်တွေဟာ စစ်ပွဲတွေတိုက်ခိုက်တဲ့နေရာမှာ လူသားတွေထက်ပိုပြီး ကျွမ်းကျင်စွာတိုက်ခိုက်နိုင်မှာလား။ ဂျော်ဂျီယာနည်းပညာအင်စတီကျု Georgia Institute of Technology မှ ရိုဘော့စက်ရုပ်အင်ဂျင်နီယာ ရော်နယ်လ် အာကင်ကတော့ ရိုဘော့စက်ရုပ်တွေဟာ ဒီလိုလုပ်နိုင်တယ်လို့ယုံကြည်နေပါတယ်။ အဲဒီအနာဂတ်ဟာလည်း မဝေးတော့ပါဘူး။ ၎င်းဟာ မကြာမီကပဲ ယူအက်စ်စစ်တပ်နဲ့ သုံးနှစ်ကန်ထရိုက်စာချုပ်ချုပ်ဆိုကာ ethical robots လို့ခေါ်တဲ့ ရိုဘော့စက်ရုပ်တွေဖန်တီးနိုင်မယ့် ဆော့ဖ်ဝဲဒီဇိုင်းထုတ်ဖို့ သဘောတူခဲ့ပါတယ်။ ယခုအခါ အမေရိကန်စစ်တပ်ဟာ ရိုဘော့တွေကို တစ်စထက်တစ တိုးတက်အသုံးပြုလာနေပြီဖြစ်ပါတယ်။ မစ္စတာအာကင်ဟာ သူ့တစ်ဘ၀လုံးကို ရိုဘော့တွေမှာ built-in အနေနဲ့ ထည့်သွင်းတည်ဆောက်ထားတဲ့ guilt system ကိုဖန်တီးနိုင်ဖို့အတွက် မြှုပ်နှံခဲ့သူပါ။ ယင်း System က စစ်ပွဲတွေမှာတိုက်ခိုက်တဲ့အခါ လူစစ်သားတွေနဲ့နှိုင်းယှဉ်ရင် အရပ်သား တွေကို ထိခိုက်စေမှုနည်းပါးစေမှာပါ။ အာကင်ဟာ မကြာမီကပဲ CNET news နဲ့တွေ့ဆုံရာမှာ ရိုဘော့တွေအကြောင်းကို ပြောပြဖြစ်ခဲ့ပါတယ်။ မေး။ ။ Ethical robots တွေကိုဖန်တီးဖို့ ဆော့ဖ်ဝဲဒီဇိုင်းထုတ်ရမယ့်ကိစ္စကို ဘယ်တုန်းကစတင်ပြီး စဉ်းစားမိတာပါလဲ။ ဖြေ။ ။ ကျွန်တော်ရိုဘော့တွေကို ဖန်တီးလာတာနှစ်ပေါင်း ၂၅ နှစ်နီးပါးရှိနေပါပြီ။ အောင်မြင်မှုတွေကိုလည်း ကျွန်တော်သတိပြုမိနေတာကြာပါပြီ။ ဒီ systems တွေဟာ ကျွန်တော်တို့ရဲ့စစ်သားတွေအကျိုးအတွက်၊ စစ်မြေမြင်ကို သွားဖို့ အဆင့်သင့်ဖြစ်နေပြီလို့ ကျွန်တော်ထင်ပါတယ်။ ဒါ့ကြောင့် “အဲဒီ systems တွေအတွက် မှန်ကန်တဲ့အခြေခံဟာ ဘာများဖြစ်မလဲ။ ဒီစက်ရုပ်တွေကို ကျွန်တော်တို့ရဲ့လူသားတွေအတွက် သင့်တော်စွာအသုံးချနိုင်အောင် ဘယ်လိုစံသတ်မှတ်ချက် standard တွေနဲ့ဖန်တီးမလဲ” ဆိုတာတွေကိုစဉ်းစားရမှာပါ။ မေး။ ။ Ethical robot ဆိုတာ ခင်ဗျားဘာကိုဆိုလိုတာပါလဲ။ ရိုဘော့စက်ရုပ်တစ်ကောင်မှာ လူလိုမျိုးစာနာစိတ်၊ အသိစိတ်တို့ရှိပါ့မလား။ ဖြေ။ ။ အင်း၊ ဒီစက်ရုပ်တွေမှာ ခံစားမှုရှိလိမ့်မယ်လို့ ကျွန်တော်လည်းမပြောခဲ့ဖူးပါဘူး။ ကျွန်တော်ဒီနေရာမှာ ethical လို့ပဲပြောတာနော်။ စာနာစိတ် emppthy အကြောင်းကတော့ နောက်ထပ်ဆွေးနွေးစရာတစ်ခုပေါ့လေ။ ကျွန်တော် လောလောဆယ်လုပ်နေတာက စစ်မြေပြင်သုံးရိုဘော့တွေထုတ်လုပ်ပေးမှာပါ။ ဒါပေမဲ့ အနာဂတ်မှာ အဲသလိုသုတေသနမျိုးကိုလည်း စိတ်ဝင်စားချင်စိတ်ဝင်စားလာမှာပါ။ လက်ရှိမှာတော့ ကျွန်တော်ဟာ နိုင်ငံတကာ စံနှုန်းတွေနဲ့သင့်တော်မယ့် ဒီဇိုင်းစနစ်တွေကို စိတ်ဝင်တစားလုပ်ဆောင်နေပါတယ်။ မေး။ ။ ခင်ဗျားအနေနဲ့ ရိုဘော့တွေမှာ built-in အနေနဲ့ပါဝင်တဲ့ guit system အကြောင်းလည်း ရေးခဲ့တယ်နော်။ အဲဒါကရော ခင်ဗျားဆွေးနွေးနေတဲ့ ကိစ္စပဲမလား။ ဖြေ။ ။ ကျွန်တော်တို့ဟာ ethical adaptor လို့ခေါ်တဲ့အစိတ်အပိုင်းတစ်ခုကို ပူးပေါင်းဖန်တီးနေပါတယ်။ ဒီအရာက robot တွေရဲ့ system ထဲမှာ လူသားတွေမှားတတ်တာမျိုးကိုမမှားမိစေဖို့ အချို့သောလက်နက်စနစ်တွေကို မသုံးဘဲငြင်းပယ်စေဖို့ ဖြစ်ပါတယ်။ မေး။ ။ ဒါ့ဖြင့် အင်ဂျင်နီယာဖြစ်တဲ့ခင်ဗျားကပဲ ကိုယ်ကျင့်ဗေဒ ethics ကိုဆုံးဖြတ်နေတာပေါ့ ဟုတ်လား။ ဖြေ။ ။ ကျွန်တော်တို့ ကိုယ်ကျင့်ဗေဒကို အင်ဂျင်နီယာပညာနဲ့ တည်ဆောက်ဖန်တီးလို့မရပါဘူး။ ကိုယ်ကျင့်တရားစံနှုန်းတွေက ရှေ့နေတွေ၊ ဒဿနာဆရာတွေဆီက လာတာပါ။ ဒါတွေကို နှစ်ပေါင်းများစွာကျင့်သုံးလာပြီး၊ အခုတော့ နိုင်ငံတကာမှာ လက်ခံတဲ့စံနှုန်းတွေဖြစ်လာတာပေါ့။ ကျွန်တော်တို့အင်ဂျင်နီယာတွေလုပ်နေတာကတော့ ဒီလိုမျိုးကိုယ်ကျင့်ဆိုင်ရာ စည်းမျဉ်းသဘောတွေကို စက်ရုပ်တွေမှာသဘောပေါက်နိုင်ပြီး၊ လိုက်လျောညီထွေ အလုပ်လုပ် နိုင်အောင် တီထွင်ဖို့ဖြစ်ပါတယ်။ မေး။ ။ ဟုတ်ပါပြီ။ ဒါနဲ့ခင်ဗျား အခု ethical robot တွေအတွက် ဆော့ဖ်ဝဲဖန်တီးဖို့လုပ်နေပြီး၊ အမေရိကန်စစ်တပ်နဲ့လည်း ကန်ထရိုက်စာချုပ်ချုပ်ထားတယ်ဆို။ ဖြေ။ ။ အင်း၊ ကျွန်တော်တို့ ဇူလိုင် ၁ ရက်နေ့ကပဲ စာချုပ်ပြီးခဲ့တယ်။ သုံးနှစ်စာချုပ်ချုပ်ခဲ့တာပါ။ အမေရိကန်စစ်တပ် သုတေသနရုံးအတွက် ရှေ့ပြေး prototype software တွေ ဒီဇိုင်းထုတ်ပေးဖို့ပေါ့။ စစ်ပွဲထဲမှာမကြာခင်မှာပဲ အ သုံးချနိုင်ဖို့ ရည်ရွယ်တီထွင်နေတာကတော့ မဟုတ်ပါဘူး။ နမူနာပုံစံ concept အဆင့်မှာပဲရှိပါသေးတယ်။ ဒါပေမဲ့ အခြေခံအဆင့်မှာပဲ ဒီရှေ့ပြေးပုံစံဟာ ကျွန်တော်လိုချင်သလို ယုံကြည်ပါတယ်။ မေး။ ။ Robot drones လိုမျိုး မြေမြှုပ်မိုင်းရှာဖွေထောက်လှမ်းတဲ့စက်ရုပ်တွေကိုတော့ အမေရိကန်စစ်တပ်မှာ ယခုအခါသုံးနေပါပြီ။ ဒါပေမဲ့ အဲဒါတွေကို လူတွေကပဲ ထိန်းချုပ်နေရတယ်။ သူ့ဘာသာ အလိုအလျောက် လှုပ်ရှားနိုင်တဲ့ autonomous robot တွေကိုသုံးရင် စစ်မြေပြင်မှာ ဘယ်လိုကွာခြားမှုတွေရှိလာနိုင်မလဲ။ ဖြေ။ ။ Drones တွေက အဓိကအားဖြင့် လူမပါဝင်တဲ့ လူမဲ့လေကြောင်းယဉ်တွေ unmanned aero vehicle တွေပါ။ ခင်ဗျားပြောချင်တာက ဖေါက်ခွဲရေးပစ္စည်းတွေကို ရှာဖွေထောက်လှမ်းပေးနိုင်တဲ့ မြေပြင်သွားယာဉ် ground vehicle တွေကိုပြောတာများလား။ မေး။ ။ နှစ်ခုစလုံးကို ဆိုလိုတာပါ။ ပြောပေးပါဦး။ ဖြေ။ ။ ဟုတ်ကဲ့။ Drones တွေကို နည်းအမျိုးမျိုးနဲ့သုံးလို့ရပါတယ်။ လက်ရှိမှာလည်း သူတို့ကို စစ်တပ်မှာသုံးလို့ရအောင် တပ်ဆင်ပေးထားတဲ့ အလိုအလျှောက်စနစ် autonomous system တွေရှိနေပါတယ်။ ဒီစက်ရုပ်တွေမှာ လူ ထိန်းမှုဘယ်လောက်ပါတယ်။ မပါဘူးဆိုတာကတော့ စမ်းသပ်နေရဆဲပါ။ ဥပမာဗျာ ယခုအချိန်မှာ အဆင့်မြင့်နည်းပညာသုံး အမိန့်ပေးစနစ်တွေရှိနေပြီး၊ စစ်သားတွေဟာလည်း တိုက်ပွဲထဲမှာ ပစ်မှတ်ကို သူတို့ဘာသာသူတို့ရှာ ဖွေနိုင်စွမ်းရှိကြပါတယ်။ ဒါပေမယ့် တိုက်ပွဲတွေပြင်းထန်အရှိန်မြင့်လာရင်တော့ အရာရာဟာပိုမြန်လာလိမ့်မယ်။ ကနေ့ခေတ်စစ်ပွဲတွေမှာ လှုပ်ရှားရမှုနေအထားက လွန်ခဲ့တဲ့နှစ်ပေါင်း ၄၀ သို့မဟုတ် ၁၀၀ လောက်ကထက် အများကြီး ကိုမြန်ဆန်နေတာပါ။ ဒီတော့စစ်ပွဲနယ်မြေအတွင်းမှာ လူစစ်သားတွေအဖို့ အခြေအနေကိုသုံးသပ်ပြီး၊ မှန်ကန်တဲ့ဆုံးဖြတ်ချက်တွေမြန်မြန်ချမှတ်နိုင်ဖို့ သိပ်ခက်လာပြီး၊ အမှားအယွင်းတွေဖြစ်လာနိုင်ပါတယ်။ ဒါကြောင့် အဲဒီလိုနေရာမျိုးမှာပိုပြီး တိတိကျကျဆောင်ရွက်နိုင်တဲ့ ရိုဘော့စစ်သားတွေရဲ့အခန်းကဏ္ဍ ပိုလိုအပ်လာတာပေါ့။ ဒါကြောင့် ကျွန်တော်တို့စစ်သားတွေအတွက် အထောက်အပံ့ကောင်းကောင်းပေးနိုင်ဖို့ အကောင်းဆုံးနည်းပညာတီ ထွင်မှုတွေ လိုအပ်လာတာဖြစ်ပါတယ်။ မေး။ ။ ခင်ဗျားရဲ့စာတွေထဲမှာလည်း ရိုဘော့တွေဟာ တိုက်ပွဲထဲမှာဆိုရင် လူသားတွေထက်တောင် ပိုပြီးလူဆန်တယ်လို့ရေးထားတယ်နော်။ အဲဒါလေးချဲ့ထွင် ရှင်းလင်းပေးပါလား။ ဖြေ။ ။ ဒါကကျွန်တော့်အဆိုပါ။ နိဂုံးချုပ်သုံးသပ်ချက်တော့မဟုတ်ပါဘူး။ တိုက်ပွဲထဲမှာ လူမထိန်းချုပ်တဲ့ systems တွေက ပြီးပြည့်စုံအောင်ဆောင်ရွက်လုပ်ကိုင်နိုင်မယ်လို့တော့ ကျွန်တော်မယုံပါဘူး။ ဒါပေမဲ့ ဒီရိုဘော့တွေက လူ တွေထက်တော့ အမှားအယွင်းနည်းနည်းနဲ့ စနစ်တကျလုပ်ဆောင်နိုင်မယ်လို့ ထင်ပါတယ်။ ကျွန်တော်ပြောနေတာတွေကလည်း လူသားစစ်သားတွေကို စက်ရုပ်တွေနဲ့အကုန်လုံးအစားထိုးပစ်လိုက်ဖို့ မဟုတ်ပါဘူး။ ကျွန်တော်ပြောနေတာက ဒီ systems တွေကို ကန့်သတ်အနေအထားတွေမှာ လူတွေမလုပ်နိုင်တဲ့အလုပ်တွေကို လုပ်ခိုင်းလို့ရတယ်လို့ပြောနေတာပါ။ [Ref: Q & Q: Robotics engineer aims to give robots a humane touch]ကိုးကားဖော်ပြခြင်းဖြစ်သည်။