ဝန်ကြီးဌာနများတွင် အင်တာနက်သုံးစွဲမှု ကန့်သတ်

Thursday, 10 September 2009 16:23 အောင်သက်ဝိုင်း

ပြည်ပသတင်း ဌာနများသို့ အစိုးရနှင့် ပတ်သက်သည့် သတင်း အချက်အလက်များ စီးဆင်းနေမှုအား တားဆီး ထိန်းချုပ်ရန် ၀န်ကြီးဌာနများတွင် အင်တာနက် အသုံးပြုခြင်းကို စတင် ကန့်သတ် ပိတ်ပင်နေကြောင်း သတင်းရရှိသည်။

ရန်ကုန်မြို့ရှိ ဌာနဆိုင်ရာ ရုံးတရုံးတွင် ကွန်ပျူတာ သုံးနေသော ၀န်ထမ်းများ

ဗိုလ်ချုပ်ကြီး သူရရွှေမန်း၏ ၂၀၀၈ ခုနှစ် မြောက်ကိုရီးယား ခရီးစဉ် မှတ်တမ်း၊ နေပြည်တော်တွင် လိုဏ်ဂူကြီးများ တည်ဆောက်နေမှု စသည့် အစိုးရ၏ လျှို့ဝှက် စီမံကိန်းများ၊ သတင်းများ ပြည်ပ သတင်းဌာနများသို့ ပေါက်ကြားနေသဖြင့် ထိုသို့ ကန့်သတ်ပိတ်ပင်ခြင်း ဖြစ်သည်ဟု နေပြည်တော် ၀န်ထမ်းများထံမှ သိရသည်။

အင်တာနက် မဖြစ်မနေ အသုံးပြုရမည် ဆိုပါက ညွှန်ကြားရေးမှူးအဆင့် အရာရှိများကိုသာ တာဝန်ခံပြီး သုံးစွဲခွင့် ပေးသည်ဟု စုံစမ်းသိရှိရသည်။

“ရုံးက ကွန်ပျူတာတွေမှာ အင်တာနက် ချိတ်ထားတာကို ညွှန်ချုပ် အမိန့်နဲ့ ကန့်သတ်လိုက်တယ်။ ၀န်ထမ်းတွေ အရင်ကလို အင်တာနက် သုံးလို့ မရတော့ဘူး” ဟု နေပြည်တော်ရှိ ၀န်ကြီးဌာန တခုမှ
အရာရှိငယ် တဦးက ပြောသည်။

ပိတ်ပင်ရာတွင် ကာကွယ်ရေး၊ ပြည်ထဲရေး၊ ဘဏ္ဍာရေးနှင့် အခွန်၊ စီးပွားရေး နှင့် ကူးသန်း ရောင်းဝယ်ရေး၊ နိုင်ငံခြားရေး၊ ဟိုတယ်နှင့် ခရီးသွားလာရေး၊ အမှတ် (၁) စက်မှု စသည့် ၀န်ကြီးဌာနများ ပါဝင်သည်ဟု နေပြည်တော် ၀န်ထမ်းများထံမှ သိရှိရသည်။

နေပြည်တော်ရှိ ၀န်ကြီးဌာန ရုံးများတွင်သာမက ပြည်နယ်တိုင်း အသီးသီးရှိ ၀န်ကြီးဌာန ရုံးခွဲများတွင်လည်း ထိုသို့ ပိတ်ပင်ထားသည်ဟု သိရသည်။

“ဒီနှစ်ထဲမှာ အစိုးရ ခေါင်းဆောင်တွေနဲ့ နိုင်ငံခြားက လာရောက်တဲ့ အရေးကြီး သံတမန်တွေ၊ နိုင်ငံ ခေါင်းဆောင်တွေနဲ့ ဆွေးနွေးကြတဲ့ အသေးစိတ် သတင်း အချက်အလက် ဖိုင်တွေ ပြည်ပမီဒီယာတွေကို
အီးမေးလ်တွေက တဆင့် ပေါက်ကြားတာတွေ အရမ်းများလာလို့ အဲဒီလို အင်တာနက် သုံးခွင့်ပိတ်တာလို့ ပြောတယ်” ဟု နေပြည်တော်ရှိ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန ၀န်ထမ်း တဦးက ရှင်းပြသည်။

သုံးစွဲခွင့် ပြုထားသော ၀န်ကြီးဌာနများတွင်မူ နိုင်ငံတကာ၌ တွင်ကျယ်နေသည့် ဂျီမေးလ် ကဲ့သို့သော အခမဲ့ အီးမေးလ်များ သုံးစွဲခြင်းကို ပိတ်ပင်ထားပြီး အစိုးရ ထံတွင် မှတ်ပုံတင်ထားသည့် အီးမေးလ်များကိုသာ သုံးစွဲရန် ညွှန်ကြားထားသည်ဟု သိရသည်။ ပိတ်ပင်မှုထဲတွင် ဂျီတော့ပ် အသုံးပြုခြင်းလည်း ပါဝင်သည်။

ကန့်သတ် ပိတ်ပင်မှုများ၏ ရလဒ်ကြောင့် ဌာနဆိုင်ရာ လုပ်ငန်းများ နှောင့်နှေး၊ ခက်ခဲလာကြောင်း နေပြည်တော်ရှိ ၀န်ထမ်းများက ဆိုသည်။

နိုင်ငံတကာတွင် အုပ်ချုပ်ရေး ယန္တရား ပိုမို မြန်ဆန် လွယ်ကူရေး အတွက် အင်တာနက် အသုံးပြုမှု တိုးမြှင့် လုပ်ဆောင်နေချိန်တွင် မြန်မာ စစ်အစိုးရက ယခုကဲ့သို့ ကန့်သတ်နေခြင်းမှာ ခေတ်နောက်ပြန်ဆွဲခြင်းပင် ဖြစ်ကြောင်း ရန်ကုန်မြို့မှ အိုင်တီပညာရှင် လူငယ်တဦးက သုံးသပ်သည်။

“အစိုးရအနေနဲ့ e-government စနစ်ကို အကောင်အထည်ဖော်မယ်လို့ မကြာခဏ ဆိုသလို ကြွေးကြော်နေတယ်။ ဒီလို e-government စနစ်ကို အကောင်အထည် ဖော်မယ် ဆိုရင် အင်တာနက် သုံးစွဲခွင့်ကို ကန့်သတ် ပိတ်ပင်တာတွေ မလုပ်သင့်ဘူး” ဟု ထို အိုင်တီပညာရှင်လူငယ်က ပြောသည်။

အာဏာပိုင်တို့သည် ၀န်ကြီးဌာနများအတွင်း အင်တာနက်သုံးစွဲခွင့် ကန့်သတ်ထားရုံ သာမက ပြည်သူများ သုံးစွဲနေသည့် အင်တာနက်လိုင်းများ နှေးကွေးစေရန် စီစဉ်ခြင်း၊ ဂျီမေးလ် နှင့် အများသုံး အင်တာနက် စာမျက်နှာများသို့ ၀င်ရောက်မှု မပြုနိုင်စေရန် ပိတ်ဆို့ထားခြင်းများကို ပြုလုပ်နေသည်။

နိုင်ငံရေး မတည်မငြိမ် ဖြစ်လာချိန်တွင် အင်တာနက် မြန်နှုန်း ကျဆင်းသွားခြင်း သို့မဟုတ် အင်တာနက် အချိတ်အဆက် လုံးဝ ပြတ်တောက်သွားခြင်းများနှင့်လည်း ကြုံနေရသည်။

မြန်မာနိုင်ငံတွင် လွန်ခဲ့သည့် ၁၂ နှစ်ခန့်မှစ၍ အင်တာနက် အသုံးပြုမှု စတင်ခဲ့သည်။ ဈေးနှုန်း ကြီးမြင့်သောကြောင့် အများပြည်သူ အလွယ်တကူ သုံးစွဲ၍ မရနိုင်ပေ။ ၂၀၀၀ ပြည့်နှစ်တွင် မှတ်ပုံတင်ပြီး အီးမေးလ် သုံးစွဲသူ ၅၈ ဦးသာ ရှိကြောင်း အစိုးရက ထုတ်ပြန်သည့် စာရင်းအရ သိရသည်။ နောက်ပိုင်းတွင် အင်တာနက်ကဖေးများ ပေါ်ပေါက်လာပြီး အင်တာနက် အသုံးပြုမှု ပိုမို ကျယ်ပြန့်လာသည်။